Gurluşyk-gurnaýyş işlerini meýletin ätiýaçlandyryş
Gurluşyk-gurnaýyş işlerini ätiýaçlandyryş gurluşyk-gurnaýyş işlerini ýerine ýetirmegiň barşy bilen baglanyşykly töwekgelçilikleri, şeýle hem gurluşyk meýdançasynda bolýan emlägi – gurluşyk materiallaryny, gurluşyk tehnikasyny, wagtlaýyn desgalary ýitirmegiň töwekgelçiliklerini gurşap alýar. Ätiýaçlandyryş obýektleri: - gurluşyk işleri, gurnaýyş işleri, gurluşyk meýdançalarynyň enjamlary, gurluşyk tehnikasy we mehanizmleri, üçünji taraplaryň öňündäki raýat-hukuk jogapkärçiligi, işe girizilenden soňky kepillendiriş borçnamalary we başgalar. Türkmenistanyň Döwlet ätiýaçlandyryş guramasynyň polisini satyn almak bilen, siz zeper ýeten emlägi dikeltmek boýunça öz maddy bähbitleriňizi gorarsyňyz.
HasaplaňBiz nämeden ätiýaçlandyrýarys?
ýangyndan, ýyldyrym urmagyndan, gazyň partlanmagyndan, bug gazanlarynyň, gaz geçirijileriň ýarylmagyndan; tebigy betbagtçylyklardan: ýer titremesinden, ýerasty oduň täsirinden, toprak süýşmeginden, ýeriň çokmeginden, dag opurylmagyndan, daş gaçmagyndan, apy-tupandan, ýelden, tupandan, harasatdan, tüweleýden, suw basmagyndan, suw almagyndan, sildan, dolydan, ýerasty suwlaryň duýdansyz ýagdaýda ýokaryk çykmagyndan, şu ýer üçin adaty bolmadyk ýagdaýda güýçli ýagyşyň ýagmagyndan ýa-da galyň garyň düşmeginden; elektrik energiýasynyň täsirinden, urganyň we zynjyryň üzülmeginden, şaýlaryň we beýleki zatlaryň gaçmagyndan.
Ätiýaçlandyryş hadysasynda näme etmeli?
haýal etmän, ýöne 3 iş gününden gijä galman ýazmaça görnüşde ätiýaçlandyryş guramasyna we degişli edaralara (derňew, kazyýet, polisiýa ýa-da başga degişli edaralara) habar bermeli.
Ätiýaçlandyryş şahadatnamasyny almak üçin talaplar
-
Döwlet ätiýaçlandyryş guramasyna arza bermeli
Ätiýaçlandyryş möçberini tölemek üçin zerur resminamalar?
-
ätiýaçlandyryş halaty hakynda arzany
-
ätiýaçlandyryş şahadatnamasyny (polis)
-
emlägiň ýok edilmegi ýa-da zyýan çekilendigi barada ykrarnamasyny
-
ätiýaçlandyryş halatynyň bolandygyny tassyklaýan degişli edaralaryň delilhatyny
-
zyýan çeken emlägiň hasaplamasyny
-
gurluşyk-gurnaýyş kitaplaryndan, gündeliklerinden göçürmelerini
-
hasap-fakturalar, hasaplar, ýanhatlar, maliýe resminamalaryny
-
zyýan çeken emlägiň suratlaryny
