Sergileri meýletin ätiýaçlandyryş

Sergileri meýletin ätiýaçlandyryş emläk taýdan ätiýaçlandyryşyň görnüşleriniň biridir. Ätiýaçlandyrýanyň şu aşakdaky emläk bähbitleri ätiýaçlandyryşyň obýekti bolup durýar: - sergi emlägi, sergi eksponatlary, sergi enjamlary we muzeý esbaplary; - ätiýaçlandyrýan sergi emlägini ulananda üçünji taraplaryň ömrüne, saglygyna we (ýa-da) emlägine zyýan ýetirmegi bilen baglanyşykly raýat-hukuk jogapkärçiligi. Türkmenistanyň Döwlet ätiýaçlandyryş guramasynyň ätiýaçlandyryş şahadatnamasyny satyn alyp, Siz öz sergi emlägiňizi ygtybarly gorap bilersiňiz!

Biz nämeden ätiýaçlandyrýarys?

Ätiýaçlandyryş şertnamasynyň hereket edýän döwründe şu aşakdaky ätiýaçlandyryş halatlary netijesinde emlägiňize zyýan ýetmeginden ýa-da onuň ýok bolmagyndan ätiýaçlandyryş goragy bilen üpjün edýär: - ýangyn; - ogurlyk, ynanylan emlägiň eýelenmegi ýa-da harç edilmegi, talaňçylyk, garakçylyk we üçünji taraplaryň emlägi ýok etmegi ýa-da zaýalanmagy bilen bagly hereketleri; - tebigy betbagtçylyklar; - betbagtçylykly hadysalar; - sergi emläginiň üstüne dolandyrylýan uçarlaryň ýa-da olaryň döwülen bölekleriniň gaçmagy, ulag serişdeleriň urmagy.

Ätiýaçlandyryş hadysasynda näme etmeli?

Haýal etmän, ýöne 3 (üç) iş gününden gijä galman ätiýaçlandyryş guramasyna habar bermeli.

Ätiýaçlandyryş şahadatnamasyny almak üçin talaplar

  • Ätiýaçlandyrýanyň ätiýaçlandyryş şertnamasyny (ätiýaçlandyryş şahadatnamasyny) baglaşmak barada arzasy

  • sergi emläginiň sanawy

Ätiýaçlandyryş möçberini tölemek üçin zerur resminamalar?

  • arzasy

  • ätiýaçlandyryş şahadatnamasy

  • ätiýaçlandyryş halatynyň bolandygyny tassyklaýan degişli edaralar tarapyndan beren resminamasy

  • ätiýaçlandyryş halaty hakynda ykrarhaty

  • zyýan ýeten emlägi abatlamak, bejermek baradaky çykdajylarynyň ygtyýarly edaralaryň düzen hasaplamasy

Giňişleýin maglumat almak üçin Size amatly bolan usul arkaly bize ýüz tutup bilersiňiz