Türkmenistanyň Döwlet ätiýaçlandyryş guramasynyň ykdysady işiniň ösüşi «Fitch Ratings» halkara reýting agentligi tarapyndan bahalandyryldy

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň durnukly ösüş we ykdysady durnuklylyk babatyndaky başlangyçlaryny durmuşa geçirýän Hormatly Prezidentimiz Serdar Berdimuhamedowyň alyp barýan halkara syýasatynyň netijesinde, «Halkara parahatçylyk we ynanyşmak» ýylynda Türkmenistanyň Döwlet ätiýaçlandyryş guramasyna «Fitch Ratings» halkara reýting agentligi tarapyndan Ätiýaçlandyryjynyň Maliýe Durnuklylygy (IFS) we Emitentiň Uzak möhletleýin Defolty (IDR) boýunça «B durnukly» reýting derejesi berildi.

Türkmenistanyň Döwlet ätiýaçlandyryş guramasyna berlen bu halkara reýtingi guramanyň daşary ykdysady işini mundan beýläk-de işjeňleşdirmäge we beýleki döwletler bilen ykdysady gatnaşyklaryny giňeltmäge ýardam eder.