Ýer titremelerinden meýletin ätiýaçlandyryş
Ýer titremelerinden meýletin ätiýaçlandyryşy emläk ätiýaçlandyryşyň görnüşleriniň biridir. Ätiýaçlandyrýanyň emläklere eýelik etmegi, peýdalanmagy we oňa ygtyýar etmegi bilen bagly bolan emläk bähbitleri ätiýaçlandyryşyň obýektleri bolup durýar. Türkmenistanyň Döwlet ätiýaçlandyryş guramasynyň şahadatnamasy Sizi ýer titremelerinden meýletin ätiýaçlandyryşy boýunça ýer titremäniň netijesinde ýüze çykan garaşylmadyk harajatlardan gorar. Ätiýaçlandyryş şertnamasynyň hereket edýän möhletiniň dowamynda ýeriň titremegi ätiýaçlandyryş halaty bolup durýar. Eger-de ýer titreme baradaky maglumaty Döwlet seýsmologik seljermesini amala aşyrmaga ygtyýarly edilen edara tarapyndan degişli resminama bilen tassyklanan ýagdaýynda ätiýaçlandyryş halaty hasap edilýär.
Biz nämeden ätiýaçlandyrýarys?
Ýer titremäniň netijesinde ätiýaçlandyrylan emläge zyýan ýetmegi ýa-da onuň ýok bolmagy.
Ätiýaçlandyryş hadysasynda näme etmeli?
Haýal etmän, ýöne 3 (üç) iş gününden gijä galman ätiýaçlandyryş guramasyna habar bermeli.
Ätiýaçlandyryş şahadatnamasyny almak üçin talaplar
-
Döwlet ätiýaçlandyryş guramasyna arzasy
-
ätiýaçlandyrylýan emlägiň sanawy
Ätiýaçlandyryş möçberini tölemek üçin zerur resminamalar?
-
arza
-
zyýan ýeten ýa-da ýok bolan emlägiň fotosuraty
-
ätiýaçlandyryş şahadatnamasy
-
ätiýaçlandyryş halatynyň bolandygyny döwlet seýsmologik seljermesini amala aşyrmaga ygtyýarly edilen edara tarapyndan beren resminamasy
-
ätiýaçlandyryş halaty hakynda ykrarhaty
-
zyýan ýeten ýa-da ýok bolan emlägiň sanawy
-
esasy serişdeleriň öçürilenleri barada ykrarhaty
-
zyýan ýeten ýa-da ýok bolan emlägiň galyndysynyň tabşyrylýan ýere tabşyrylandygy ýa-da galyndylaryň ýok edilendigi barada ykrarhaty
-
taýýar önümiň haryt ätiýaçlygy barada hereketiniň hasabynyň resminamasy (ammarda duran, gelen we giden harytlaryň)
-
zyýan ýeten emlägi abatlamak, bejermek baradaky çykdajylarynyň ygtyýarly edaralaryň düzen hasaplamasy
