Syýahatçyny betbagtçylykly hadysalardan meýletin ätiýaçlandyryş

Syýahatçyny betbagtçylykly hadysalardan meýletin ätiýaçlandyryşy şahsy ätiýaçlandyryşyň görnüşleriniň biridir. Syýahat döwründe ätiýaçlandyrylan şahsyň ömri, saglygy we işe ukyplylygyny ätiýaçlandyrmak bilen baglanyşykly bolan şahsy bähbitleri ätiýaçlandyryş obýekti bolup durýar. Türkmenistanyň Döwlet ätiýaçlandyryş guramasynyň şahadatnamasy Sizi syýahat döwründe betbagtçylykly hadysalaryň netijesinde ýüze çykan garaşylmadyk harajatlardan gorar.

Biz nämeden ätiýaçlandyrýarys?

Ätiýaçlandyryş şertnamasynyň hereket edýän döwründe betbagtçylykly hadysa netijesinde ätiýaçlandyrylan şahsyň şikes almagy, şeýle hem ätiýaçlandyrylan şahsyň aradan çykmagy ýa-da şol wakanyň ýüze çykan gününden başlap bir ýylyň dowamynda ýüze çykan haýsydyr bir waka sebäpli aradan çykmagy.

Ätiýaçlandyryş hadysasynda näme etmeli?

Haýal etmän, ýöne 3 (üç) iş gününden gijä galman ätiýaçlandyryş guramasyna habar bermeli.

Ätiýaçlandyryş şahadatnamasyny almak üçin talaplar

  • Ätiýaçlandyrýanyň ätiýaçlandyryş şertnamasyny (ätiýaçlandyryş şahadatnamasyny) baglaşmak barada arzasy

  • ätiýaçlandyrylan şahslaryň sanawy

Ätiýaçlandyryş möçberini tölemek üçin zerur resminamalar?

  • ätiýaçlandyrylan şahs şikes alanda:

    -arza;
    -ätiýaçlandyryş şahadatnamasy;
    -Türkmenistanyň Saglygy goraýyş we derman senagaty ministriniň 2019-njy ýylyň 17-nji maýynda çykaran 135 belgili buýrugy bilen tassyklanan görnüş 195/h Delilhatyny;
    -pasportyň ýa-da şahsyýetini tassyklaýan beýleki resminamasynyň nusgasy.

  • ätiýaçlandyrylan şahs maýyplyk alanda:

    - arza;
    -ätiýaçlandyryş şahadatnamasy;
    -pasportyň ýa-da şahsyýetini tassyklaýan beýleki resminamasynyň nusgasy;
    -hemaýata mätäçligi anyklaýjy toparyň ätiýaçlandyrylan şahsyň maýyplygyny kesgitlän kepilnamasynyň nusgasy (HMAT).

  • ätiýaçlandyrylan şahs aradan çykanda :

    - arza;
    -ätiýaçlandyryş şahadatnamasy;
    -pasportyň ýa-da şahsyýetini tassyklaýan beýleki resminamasynyň nusgasy;
    -ölüm hakyndaky şahadatnamanyň nusgasy;
    -ätiýaçlandyrylan şahsyň mirasdarynyň mirasa bolan hukugy hakynda şahadatnamasynyň nusgasy.

Giňişleýin maglumat almak üçin Size amatly bolan usul arkaly bize ýüz tutup bilersiňiz